Fixie Period Panties

Share on facebook
Share on google
Share on twitter
Share on linkedin
Share on whatsapp
Share on email

Мал претприемач иноватор влезе во нашите канцеларии со инспиративен производ – гаќи што жените можат да ги користат во деновите кога имаат менструација. Женска долна облека, па дури и ако е иновативен производ, не е многу инспиративна како таква, но кога имате задача да развиете значаен бренд и да го надополните со силен глас за борба против табуата, сигурно може да стане интересна приказна.

Имајќи предвид дека веројатно насекаде во светот, но особено на мал пазар како што е Македонија, зборот МЕНСТРУАЦИЈА за многумина е табу, ние предложивме Fixie да биде брендот што ќе зборува гласно за овој проблем и ќе се бори против ова табу. Затоа, за да го сториме тоа, си поставивме едно прашање: Како можеме да ги охрабриме луѓето да зборуваат за нешто што сметаат дека е срамно?

По лудилото со изборот на Трамп, Македонија беше глобално посочена како генератор на лажни вести. Неодамна земјата исто така го смени своето име од Македонија во Северна Македонија, со силни дебати и јавна хистерија околу ова прашање. Оттука, ги искористивме овие моменти како основа на кампањата и решивме да направиме социјален експеримент користејќи лажни вести и осврнувајќи се на промената на името на земјата, со цел да започнеме кампања за овој мал бренд со силен глас и да ги испровоцираме луѓето отворено да зборуваат за таканареченото табу на МЕНСТРУАЦИЈА.

Ден пред 8-ми март, Меѓународниот ден на жената, кога луѓето енергично зборуваат за правата на жената, во соработка со најистакнатите медиуми и влијателни лица на социјалните медиуми кои ја поддржаа нашата бренд мисија да ги разбиеме табуата и отворено да зборуваме за женското репродуктивно здравје, ние всушност создадовме и дистрибуиравме ЛАЖНИ ВЕСТИ.

Рековме дека „женската лоби група од Европа“ доби уште една битка во борбата за правата на жените и успеа да го смени зборот “MENSTRUATION” во “FEMSTRUATION” или на македонски „МЕНСТРУАЦИЈА“ во „ЖЕНСТРУАЦИЈА“, со цел зборот повеќе да не го содржи префиксот „MEN“ („МАЖ“).  J

Овие лажни вести ескалираа многу бргу и зборот „менструација“ беше насекаде низ веб порталите и социјалните мрежи, креирајќи најразлични конверзации помеѓу луѓе кои го бранеа правото на жените циклусот сè уште да го нарекуваат „менструација“, а пак некои и се согласуваа и ја поддржуваа оваа промена на зборот.

Fixie брендот беше понатаму претставен на пазарот со храбра кампања и присуство на социјалните медиуми, со визуелни елементи кои ја пренесуваа пораката „што сè  прават мажите за да не прокрварат“ и прикажуваат заштитни штитови и кациги кои мажите ги носат, додека пак жените го имаат наједноставното решение: Fixie гаќи за деновите кога имаат менструација.